U Turkmienistanie čynoŭnikaŭ abaviazali adpačyć na kaśpijskim kurorcie Avaza pad pahrozaj zvalnieńnia, paviedamlaje Radyjo Azattyk.

Ich abaviazali kupić pucioŭki pa košcie ŭ try siarednija zarpłaty čynoŭnika.

«Nam kažuć, što ŭsich, chto nie pajedzie, całkam zvolniać», — skazaŭ na ŭmovach ananimnaści čynoŭnik z Dašahuza.

Pavodle rabotnikaŭ dziaržaŭnych struktur, im nieabchodna nabyć pucioŭki praciahłaściu da dziesiaci dzion. Ich košt u siarednim składaje 740 dalaraŭ na čałavieka biez abiedaŭ, viačeraŭ i prajezdu.

Kurort Avaza budavali ŭ pieryjad z 2007 pa 2017 hod. Jon byŭ častkaj ambicyjnaha płana prezidenta krainy Hurbanhuły Bierdymuchamiedava pa stvareńni turystyčnaj infrastruktury suśvietnaha kłasa. Prajekt kaštavaŭ niekalki miljardaŭ dalaraŭ, ale pustuje.

Клас
Панылы сорам
Ха-ха
Ого
Сумна
Абуральна