Rasija hatova razhladać prapanovy pa ŭkrainskim urehulavańni, ale rabić ich treba pa dypłamatyčnych kanałach. Pra heta zajaviŭ u aŭtorak žurnalistam ministr zamiežnych spraŭ Rasii Siarhiej Łaŭroŭ, piša TASS.
«Kali havorka idzie pra surjoznyja prapanovy, jany robiacca spačatku pa dypłamatyčnych kanałach, a nie publična praz Facebook. Ale my hatovyja razhladać kankretnyja prapanovy, jakija buduć dapamahać vykonvać rezalucyju RB AAN, jakaja zaćvierdziła minskija damoŭlenaści, a nie padmianiać hetuju rezalucyju i sami minskija damoŭlenaści», — skazaŭ rasijski ministr.
Łaŭroŭ adznačyŭ, što dla metaŭ urehulavańnia va Ukrainie stvorany dziejučyja farmaty — Kantaktnaja hrupa i narmandski farmat. «I narmandski, i minski farmat byli adobrany Radaj Biaśpieki AAN, heta źjaŭlajecca niepasrednym instrumientam, jaki nieabchodna vykarystoŭvać mižnarodnaj supolnaści», — dadaŭ jon.
