28 červienia ŭ ranišnim ciahniku, jaki jechaŭ ź Minska ŭ Vilniu, adnoj z pasažyrak stała drenna. Miedyki, što pryjechali na miesca zdareńnia, sprabavali jaje vyratavać, ale žančyna pamierła prosta ŭ vahonie, piša Tut.by

Jak paviedamiŭ vidavočca, prykładna za 15 chvilin da prybyćcia na stancyju Maładziečna mašynist źviarnuŭsia da pasažyraŭ z prośbaj adhuknucca tych, chto moža akazać pieršuju dapamohu žančynie. Joj stała drenna.

— Pieršuju dapamohu akazvali i pasažyry, i pravadniki, jany źviazvalisia z čyhunačnaj stancyjaj, vyklikali chutkuju, — raspavioŭ pasažyr. - U 8.25 my prybyli ŭ Maładziečna, na pieronie ŭžo stajała chutkaja. Pasažyraŭ paprasili vyjści z vahona. Miedyki akazvali žančynie dapamohu — u jaje byli prablemy z sercam. Prykładna praz hadzinu stała zrazumieła, što vyratavać žančynu nie ŭdałosia. Prykładna ŭ 9.30 u ciahnik zapuścili ludziej, i my pajechali dalej. U Vilniu my prybyli sa spaźnieńniem na 1 hadzinu 15 chvilin. Pravadniki apytvali pasažyraŭ, kamu treba paśpieć na ciahnik abo samalot, i pieršymi adpraŭlali na pamiežny kantrol, kab tyja paśpieli dalej pa svaim maršrucie.

U Maładziečanskaj centralnaj rajonnaj balnicy, miedyki jakoj vyjazdžali na vyklik, admovilisia dać kamientar, spasłaŭšysia na miedycynskuju tajamnicu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?