U biełaruskaj stalicy źjaviŭsia novy vid kradziažoŭ: haradžanie stali kraści elektrasamakaty, jakija naležać kikšerynhavym kampanijam. Adzin taki samakat pasprabavała pryŭłaščyć piensijanierka pa darozie na rynak, piša «Minsk-Naviny».
Piensijanierka, idučy na rynak, źviarnuła ŭvahu na elektrasamakat, jaki staić u jaje ŭ dvary. Viartajučysia dadomu ŭbačyła, što jon usio jašče staić na raniejšym miescy, a haspadara pablizu niama. Vyrašyŭšy, što samakat nikomu nie patrebny, žančyna ŭziała jaho, vyrašyŭšy padaryć unuku.
Supracoŭniki kikšerynhavaj kampanii pa GPS vyznačyli, što samakat znachodzicca ŭ žyłym domie. U pošuku dapamahło fota, zroblenaje apošnim klijentam paśla pajezdki.
Pakolki babula nikoli navat nie čuła pra kikšerynh, u kampanii paškadavali piensijanierku i nie stali pisać na jaje zajavu.
