Na vulicy Piatroŭka ŭ Maskvie, dzie znachodzicca budynak HUUS, zatrymali niekalkich žurnalistaŭ, jakija vyjšli ź pikietami suprać zatrymańnia ich kalehi i siabra Ivana Hałunova, žurnalista-daśledčyka «Mieduzy». Praz hadzinu ich adpuścili, paviedamlaje «Nastojaŝieje Vriemia».
Ivan Hałunoŭ, karespandent adździeła rasśledavańniaŭ «Mieduzy», byŭ zatrymany palicyjaj dniom 6 červienia ŭ centry Maskvy. Na hety momant jaho padazrajuć u raspaŭsiudžvańni narkotykaŭ. Palicyja śćviardžaje, što vyjaviła ŭ zaplečniku žurnalista i ŭ jaho kvatery niekalki pakunačkaŭ z narkotykam miefiedronam.
Hałunoŭ narkotyki svaimi nie pryznaŭ i ličyć, što jamu ich padkinuli: u zaplečnik — niepasredna pry zatrymańni, a ŭ kvateru — u toj momant, kali ŭ palicejskich užo byli klučy ad jaho kvatery, a jon znachodziŭsia ŭ mašynie palicyi i nie kantralavaŭ, što adbyvajecca u jaho žylli.
Hety vypadak jon nazvaŭ pravakacyjaj. «Apieratyŭniki spracavali «vielmi niazhrabna», — rastłumačyŭ žurnalist advakatu. Kalehi Hałunova i jon sam ličać, što zatrymańnie źviazana z žurnalisckimi rasśledavańniami, jakija jon vioŭ.
