Mižnarodnaj supolnaści varta pieraasensavać rolu dalara ŭ hłabalnaj ekanomicy, bo valuta pieratvaryłasia ŭ instrumient cisku na ŭvieś śviet z boku ZŠA. Pra heta rasijski prezident Uładzimir Pucin zajaviŭ na plenarnym pasiadžeńni Pieciarburhskaha mižnarodnaha ekanamičnaha forumu, piša RBK.
Na dumku Pucina, z momantu pryniaćcia Jamajskaj valutnaj sistemy ŭ 1970-ch hadach, jakaja paćvierdziła pryjarytet dalara, zastajucca niavyrašanymi prablemy zbałansavanaści valutnych adnosin. Bolš za toje, adznačyŭ Pucin, z tych časoŭ źjavilisia novyja ekanamičnyja centry, a «bałans sił i intaresaŭ» ahułam źmianiŭsia.
U suviazi z hetymi «hłybokimi źmienami» nieabchodna pieraasensavać rolu dalara, jaki ZŠA siońnia vykarystoŭvajuć u jakaści instrumienta cisku na ŭvieś śviet, skazaŭ Pucin. «Davier da dalara prosta padaje», — skazaŭ na zakančeńnie prezident Rasii.
