U Smalavickim rajonie pasažyr na chadu vyskačyŭ z mašyny, jakaja chavałasia ad pahoni DAI. Kiroŭca, jaki jechaŭ na mašynie siabra, byŭ pjany, aŭtamabil źjechaŭ u kiuviet i pierakuliŭsia. Vybraŭšysia praz bakavoje akno lehkavika, mužčyna pasprabavaŭ źbiehčy, ale jaho zatrymali, paviedamlaje milicyja.
Pahonia adbyłasia 6 červienia pryblizna ŭ 14.00. Daišniki źviarnuli ŭvahu na Volkswagen Golf čyrvonaha koleru, u jakoha nie było piaredniaha kryła. Kiroŭca na patrabavańni DAI spynicca nie adreahavaŭ i praciahnuŭ ruch, rezka pavialičvajučy chutkaść. Pačaŭsia pieraśled. Na palavoj darozie z mašyny na chadu vyskačyŭ pasažyr. Zatym Volkswagen spyniŭsia, i ź piaredniaha siadzieńnia vybraŭsia druhi. Hetym skarystaŭsia staršy dziaržaŭtainśpiektar Dźmitryj Haradko. Jon pasprabavaŭ vyciahnuć klučy z zamka zapalvańnia. Ale kiroŭca praciahnuŭ ruch, skinuŭšy supracoŭnika DAI.
Narad praciahnuŭ pieraśled. Prykładna praz kiłamietr kiroŭca źjechaŭ u pravy kiuviet. Paśla čaho vybraŭsia z mašyny praz adkrytaje akno i pasprabavaŭ schavacca ad pravaachoŭnikaŭ. Ale jaho zatrymali.
Za rulom Volkswagen znachodziŭsia 26-hadovy žychar vioski Zarečča. Jaho ŭžo zatrymlivali z pahoniaj 28 maja, tady jon taksama byŭ pjany — 1,5 pramile. U hety raz ahlad vyjaviŭ u jaho 2,1 pramile. Pravoŭ u mužčyny nikoli nie było.
Za niećviarozaje kiravańnie jaho zatrymlivali jašče ŭ 2014 hodzie i jaho pryciahnuli da administracyjnaj adkaznaści. Aŭtaamatar adpraviŭsia na 15 sutak u izalatar časovaha ŭtrymańnia. Za hetuju pajezdku na jaho skłali piać pratakołaŭ (u dadatak da šaści za pahoniu 28 maja). Mašynu siabra kanfiskujuć, a za paŭtornaje pjanaje kiravańnie na praciahu hoda kiroŭcu pahražaje kryminalnaja adkaznaść.
