Kontrraźviedka SBU ŭzmacniaje kantrol za niesankcyjanavanymi pajezdkami ŭkrainskich aficeraŭ u Biełaruś, piša Radyjo Svaboda.
Sałomienski rajonny sud Kijeva pakaraŭ štrafam u 510 hryŭniaŭ (20 dalaraŭ u ekvivalencie) adnaho z aficeraŭ Hienieralnaha štabu Uzbrojenych siłaŭ Ukrainy za niesankcyjanavanaje vyšejšym kiraŭnictvam naviedvańnie terytoryi Biełarusi. Dadatkova vajskoviec musić spłacić i 384 hryŭni (15 dalaraŭ) sudovaha zboru.
Takoje rašeńnie sud uchvaliŭ pa vynikach razhladu materyjałaŭ Departamenta kontrraźviedki Hałoŭnaha ŭpraŭleńnia vajskovaj kontrraźviedki Słužby biaśpieki Ukrainy. Zhodna ź imi aficer, majučy dostup da sakretnych materyjałaŭ vyšejšaj stupieni tajemnaści, 27 lipienia 2018 hoda, «u pieryjad śviataŭ», pierasiek ukrainska-biełaruskuju miažu, nie paviedamiŭšy va ŭstanoŭlenym paradku pra svaje płany vyjezdu za miežy Ukrainy.
Pakarany aficer słužyć u adździele stratehičnaha płanavańnia bajavoj hatoŭnaści Hałoŭnaha apieratyŭnaha ŭpraŭleńnia Hieneralnaha štaba Uzbrojenych siłaŭ Ukrainy.
Z pačatku hoda heta treci vypadak pakarańnia vajskoŭcaŭ za parušeńnie zakanadaŭstva ŭ śfiery achovy dziaržaŭnaj tajny pry naviedvańni Biełarusi.
