Ranicaj 7 červienia ŭ ahraharadku Michalki, što ŭ Homielskim rajonie, stała kiepska ciažarnaj žančynie. Vyklikali chutkuju, ale daktary kanstatavali śmierć.
Viadoma, što žančynu zvali Antanina H. Joj było 39 hadoŭ. Jana žyła ŭ Homieli razam z mužam, pracavała ŭ aŭtobusnym parku. Hadavali dvaich dzietak, ale kala 7 miesiacaŭ tamu Antanina zaciažaryła iznoŭ.
Napiaredadni trahiedyi Antanina z mužam pryjechali da jaho maci, jakaja adna žyvie ŭ Michalkach. Zastalisia pieranočyć.
«Ranicaj, hadziny kala 5, zdajecca, joj stała kiepska. Pakul daktary jechali, pamierła, — kaža śviakroŭ žančyny. — Što dakładna zdaryłasia pakul nieviadoma. Daktary skazali, što, imavierna, adarvaŭsia tromb».
Žančyna nie dažyła miesiac da svajho 40-hodździa.
Pa fakcie zdareńnia Śledčy kamitet pravodzić pravierku.
