«Siońnia hety čeł hieraična nie puściŭ mianie na mierapryjemstva, bo ja adziety niedastatkova modna/bahata, — aburyŭsia Vital Šuraŭka ŭ tvitary, vykłaŭšy fota achoŭnika. — Nietaktoŭna vieści siabie jak haspadar žyćcia, kali ty absłuhoŭvajučy piersanał».
Na biznesmienie ŭ toj dzień było chudzi.
Ok16 znachodzicca ŭ budynku byłoha zavoda.
U Ok16 tłumačać: mierapryjemstva pravodzili nie jany. Adna z fotaškoł arandavała pamiaškańnie i vystaviła svaju achovu.
«Heta było zakrytaje mierapryjemstva, praviły ŭvachodu na jakoje vyznačaŭ arhanizatar. Dziejničaŭ dres-kod. I razmova absalutna nie pra niedastatkova «modna/bahata». Treba było być u čornym», — prakamientavali ŭ kulturnym chabie.
Pytańnie dres-kodu zakanadaŭstvam nie rehulujecca. Kafe i bary mohuć uvodzić svaje patrabavańni da vyhladu haściej — heta nie ličycca dyskryminacyjaj. Ale praviły pavinny być supolnyja dla ŭsich i być prapisanyja ŭ łakalnych aktach ustanovy.
