Sud Centralnaha rajona Minska ŭ aŭtorak pačaŭ razhlad pazovu Uładzimira Japryncava da jaho eks-partniora pa «Trajple» Juryja Čyža, pieradaje karespandent TUT.BY.
Jak i ŭ papiarednim pazovie, užo zadavolenym sudom, havorka idzie pra hrošy za pradadzienyja akcyi łahistyčnaj kampanii ZAT «Askarhaterminał». Ździełka pa prodažy doli ŭ kampanii, jakoj vałodali Uładzimir Japryncaŭ (60%) i Śviatłana Čyž (40%), žonka Juryja Čyža, była ździejśniena 11 žniŭnia 2015 hoda, u dzień zatrymańnia Japryncava. Hrošy na rachunak Japryncava pastupili niekalkimi płaciažami, u ahulnaj sumie krychu bolš za 100 tysiač dalaraŭ u ekvivalencie (219,2 tysiačy denaminavanych rubloŭ). U momant zaličeńnia hrošaj na rachunak jon užo byŭ u SIZA, i, pa raniejšaj infarmacyi, usia majomaść i rachunki byli aryštavanyja. Ale hrošy akazalisia źniatyja.
Buchhałtar «Trajpła» Eleanora Leŭkina, jakaja mieła davieranaść na apieracyi z rachunkam i ad Japryncava, i ad Čyža, u sudzie paćvierdziła, što hrošy z rachunka Japryncava zdymała najaŭnymi pa daručeńni Juryja Čyža i pieradavała jamu — kala 86 tysiač dalaraŭ i 45 tysiač u žniŭni i vieraśni 2015 hoda. Sam uładalnik rachunka joj takich ukazańniaŭ nie davaŭ. Jašče trojčy sumy pa 40 tysiač dalaraŭ jana pieravodziła na rachunak jurydyčnaj asoby.
Pavodle tłumačeńniaŭ Juryja Čyža, jakija jon davaŭ padčas praviadzieńnia pravierki UUS Partyzanskaha rajona Minska, srodki z rachunka Japryncava-starejšaha jon pieradaŭ kredytoram syna Japryncava, rasijskim biznesmienam Iosifu Aksienćjevu i Michaiłu Mamijašvili.
U śniežni minułaha hoda sud zadavoliŭ pazoŭ Japryncava na častku sumy, 1960 rubloŭ. Z ulikam dziaržpošliny i kampiensacyi jurydyčnych vydatkaŭ Čyž vinien byŭ Japryncavu 3208 rubloŭ (advakat Japryncava adznačyła, što raspačata vykanaŭčaja vytvorčaść — u poŭnym abjomie vykanańnie nie praviedziena). Sud vyrašyŭ zapatrabavać materyjały hramadzianskaj spravy ab spahnańni častki sumy z Čyža na karyść Japryncava.
Ciapierašni pazoŭ padadzieny na astatniuju sumu — 217,3 tysiačy rubloŭ.
Pazoŭnik ličyć, što adkazčyk viedaŭ pra biespadstaŭnaje ŭzbahačeńnie pieršapačatkova, i adpaviedna raźličyŭ sumu, jakaja padlahaje da spahnańnia pracentaŭ z dnia, nastupnaha paśla śpisańnia hrašovych srodkaŭ z raźlikovaha rachunka. Suma pracentaŭ za karystańnie čužymi hrašovymi srodkami składaje 57,1 tysiačy rubloŭ.
U pazovie źviartajecca ŭvaha na toje, što šmatlikija pieramovy, jakija pravodziacca ŭ tym liku ŭ ramkach sudovaha raźbiralnictva, nie dali stanoŭčych vynikaŭ. Pry hetym stała viadoma, što Juryj Čyž pryniaŭ miery, nakiravanyja na vyviadzieńnie svaich aktyvaŭ. U pryvatnaści, na momant składańnia pazovu tolki adzin abjekt naležaŭ Čyžu na pravie ŭłasnaści: adnakvaterny žyły dom u pasiołku Łahožask (nie ličačy doli ŭ TAA «Trajpł»).
«Miarkujem, dastatkova padstaŭ ličyć, što niepryniaćcie mier pa zabieśpiačeńni pazovu moža zrabić ciažkim abo niemahčymym vykanańnie rašeńnia suda Centralnaha rajona Minska pa hetaj spravie, što ŭ svaju čarhu moža nanieści pazoŭniku značny ŭron», — havorycca ŭ pazovie.
Pazoŭnik prasiŭ sud pryniać da ŭvahi, što adsutničaje lubaja infarmacyja ab najaŭnaści jakoj-niebudź inšaj majomaści, za košt čaho mahli b być zadavolenyja pazoŭnyja patrabavańni Uładzimira Japryncava pa hetaj spravie.
Sud pryniaŭ miery da zabieśpiačeńnia pazovu i nakłaŭ aryšt na majomaść u miežach koštu pazovu, jakija naležać adkazčyku.
Ad miravoha pahadnieńnia pradstaŭnik Čyža admoviŭsia.
Ciapierašni pazoŭ — nie adziny pamiž partniorami pa «Trajple». Ekanamičny sud Minska razhladaje pazoŭ Japryncava da Aksienćjeva ab pryznańni damovy kupli-prodažu jaho doli ŭ «Trajpł» niezaklučanaj. Tolki dola Japryncava ŭ «Trajpł», jakaja dastałasia Aksienćjevu i Mamijašvili, pavodle acenak ekśpiertaŭ, pierakryvała sumu doŭhu i składała kala 50 młn dalaraŭ.
