Biełarusi nieabchodna źnižać zaležnaść ad rynku Rasii i pierakvalifikavać svoj ekspart na rynki Kitaja, Blizkaha Uschodu i Afrykanskaha kantynienta. Tak člen kalehii (ministr) pa pramysłovaści i ahrapramysłovym kompleksie Jeŭrazijskaj ekanamičnaj kamisii (JEEK) Alaksandr Subocin na vystavie «Biełahra» prakamientavaŭ čarhovyja abmiežavańni pastavak biełaruskaj pradukcyi z boku Raśsielhasnahladu, piša Tut.by
— Naša ministerstva zaniało vielmi aktyŭnuju pazicyju, kantakt źjaviŭsia ŭ novaha ministra (Anatola Chaćko) i vieterynarnaj słužby. Treba damaŭlacca i šukać kampramis. Treba aktyŭna vieści pieramovy z pradstaŭnikami našaha asnoŭnaha rynku - Rasijskaj Fiederacyi, - zajaviŭ Subocin.
Ministr taksama adznačyŭ, što Biełarusi jak minimum treć pradukcyi treba imknucca pradavać u krainy dalokaha zamiežža.
