U kancy maja na miažy ŭ parku «Biełaviežskaja pušča» kala raki Lasnaja Levaja rabotnikami pružanskaj palaŭničaj haspadarki byli zaŭvažanyja ślady buraha miadźviedzia. Ślady toj pakinuŭ u hrazi la raki i na darozie, paviedamili ŭ Nacparku.
Na praciahu niekalkich dzion było jašče niekalki paviedamleńniaŭ ad miascovych žycharoŭ i supracoŭnikaŭ Nacyjanalnaha parka ab śladach adzinočnaha miadźviedzia ŭ paŭdniova-ŭschodniaj častcy Biełaviežskaj puščy (navakolli viosak Dziedaŭka, Brody).
Miadźviedzi źnikli ź Biełaviežskaj puščy ŭ kancy XIX stahodździa, u tym liku ŭ vyniku intensiŭnych palavańniaŭ (apošni miadźviedź byŭ zastreleny ŭ 1878 hodzie padčas carskaha palavańnia). U minułym stahodździ ŭłady pradprymali sprobu adnavić papulacyju, pierasialajučy ŭ pušču miadźviedziaŭ z zaaparkaŭ. Vopyt akazaŭsia niaŭdałym, a vajna nie dała davieści ekśpierymient da kanca, — rastłumačyli ŭ navukovym adździele nacparka.
U apošni raz bury miadźviedź byŭ zarehistravany ŭ Biełaviežskaj puščy ŭ 2003 hodzie.
Miarkujučy pa adznačanych zaraz śladach — heta maładaja žyvioła, jakaja błukaje ŭ pošukach novaha miescapražyvańnia.
