Kanstytucyjnaja rada Ałžyra adchiliła daśje abodvuch kandydataŭ na pasadu prezidenta krainy, u suviazi z čym vybary, pryznačanyja na 4 lipienia, vyrašyli pieranieści, paviedamlaje BBC.
Na pasadu pretendavali dva małaviadomyja palityki, jakija zajavili pra siabie paśla taho, jak hałoŭnyja ałžyrskija palityčnyja siły bajkatavali prezidenckija vybary.
Ałžyr apynuŭsia ŭ palityčnym kryzisie paśla taho, jak 3 krasavika 82-hadovy prezident Abdelaziz Buteflika daterminova skłaŭ ź siabie paŭnamoctvy. Jon kiravaŭ krainaj z 1999 hoda, ale ŭ lutym pačalisia masavyja pratesty suprać jaho vyłučeńnia na piaty termin.
Kiravańnie krainaj časova ŭziaŭ na siabie śpikier vierchniaj pałaty parłamienta, jaki pryznačyŭ prezidenckija vybary na 4 lipienia. Suprać praviadzieńnia vybaraŭ vystupili apazicyja i hramadskaść, jakija prapanujuć uvieści pierachodny pieryjad i stvaryć ustanoŭčuju radu.
