12 čałaviek stali achviarami stralaniny ŭ amierykanskim horadzie Virdžynija-Bič. Siarod zahinułych akazaŭsia 35-hadovy ŭradženiec Mahilova Alaksandr Husieŭ, paviedamlajuć amierykanskija vydańni.
Alaksandr Husieŭ, pilotonline.com.
31 maja ŭ municypalny kompleks u Virdžynii-Bič uvajšoŭ supracoŭnik ustanovy i adkryŭ ahoń pa kalehach. Sama mieniej 12 čałaviek zahinuli. Padčas stralaniny ŭ budynku było kala 400 čałaviek. Strałka zabili padčas pierastrełki z palicyjaj.
Siarod zahinułych — uradženiec Mahilova Alaksandr Husieŭ, jaki emihravaŭ u ZŠA ŭ 2003 hodzie. Paśla pierajezdu Alaksandr skončyŭ amierykanski kaledž i atrymaŭ stupień bakałaŭra ŭ hramadzianskim budaŭnictvie. Spačatku jon pracavaŭ u lesanarychtoŭčaj kampanii, a zatym 9 hadoŭ pracavaŭ ahientam pa ziamielnych učastkach u municypalitecie Virdžynii-Bič.
U ZŠA taksama žyvie brat-bliźniuk Alaksandra Alaksiej Husieŭ i ich maci, a voś baćka zastaŭsia ŭ Biełarusi.
