Akumulatarny zavod pad Brestam zapracuje ŭ červieni, raspaviali Tut.by na pradpryjemstvie. Raniej staršynia Bresckaha abłvykankama Anatol Lis paviedamlaŭ, što zavod zapuściać u mai.
Praca pryjomnaj kamisii pradpryjemstva pradoŭžana ŭ suviazi z praviadzieńniem dadatkovaj tonkaj danastrojki hazaačyščalnaha abstalavańnia, paviedamiŭ mieniedžar pa karparatyŭnym kiravańni achovaj navakolnaha asiarodździa 1AK-GROUP (TAA «PAK-kiravańnie») Alaksandr Junkievič.
«Padkreślim, što nami ŭstalavanyja vielmi žorstkija normy pa vykidach i zaraz my zmahajemsia za hramy vykidaŭ u hod i viadziem usie nieabchodnyja pracy dla dasiahnieńnia ustanoŭlenych HDK (hranična dapuščalnych kancentracyj)», — rastłumačyŭ surazmoŭca.
Akumulatarny zavod budujecca na pramysłovaj placoŭcy «Aeraport» u svabodnaj ekanamičnaj zonie «Brest» TAA «AjPauŭer». Žychary Bresta i niekalkich viosak Bresckaha rajona ličać, što pradpryjemstva pahražaje ich zdaroŭju. Z 25 lutaha 2018 hoda kožnuju niadzielu na płošču Lenina ŭ Breście prychodziać praciŭniki budaŭnictva akumulatarnaha zavoda, jakija razmaŭlajuć i abmieńvajucca apošnimi navinami ab budaŭnictvie pradpryjemstva.
