Raśsielhasnahlad praciahvaje pravodzić analiz pastavak pradukcyi ź Biełarusi ŭ Kazachstan i Kyrhyzstan tranzitam praz terytoryju Rasii.
U vyniku analizu vyjaŭleny piać biełaruskich kampanij-pasiarednikaŭ (TAA «AhraPradZbyt», TAA «TrejdMałInviest», TAA «Kamfi Junajted», TAA «Małpramtrejd», TAA «Małpradłakt») i jašče šeść biełaruskich vytvorcaŭ (AAT «Homielski miasakambinat», AAT «Pinski miasakambinat», AAT «Staŭbcoŭski miasakansiervavy kambinat», «Vytvorčy kambinat» Lelčyckaha rajonnaha spažyvieckaha tavarystvaa, AAT «Ašmianski MK», Drybinskaje rajonnaje spažyvieckaje tavarystva), jakija vystupajuć u jakaści adpraŭnikoŭ pradukcyi na adrasu kirhizskich i kazachstanskich atrymalnikaŭ, što ažyćciaŭlajuć niezakonnyja pastaŭki biełaruskich tavaraŭ u Rasiju, vykarystoŭvajučy schiemu «falšyvaha tranzitu» ŭ Kazachstan i Kyrhyzstan.
U suviazi z hetym Raśsielhasnahlad źmianiaje ŭmovy propusku tavaraŭ na adrasy kirhizskich i kazachskich atrymalnikaŭ.
Propusk padkantrolnych tavaraŭ nazvanymi kampanijami budzie ažyćciaŭlacca tolki paśla paćvierdžańnia dziaržaŭnymi vieterynarnymi słužbami Kazachstana ci Kyrhyzstana namieru pryniać pradukcyju, jakaja pastaŭlajecca hetymi pasiarednikami.
