Uładarom śvietu stanie kraina, u jakoj budzie manapolija ŭ śfiery štučnaha intelektu, ličyć Pucin. I Rasija, pavodle jaho słoŭ, pavinna zabiaśpiečyć tut svoj technałahičny suvierenitet.
Prezident Rasii Uładzimir Pucin zajaviŭ pra važnaść raźvićcia štučnaha intelektu, pieradaje TASS. «Kali chtości zmoža zabiaśpiečyć manapoliju ŭ śfiery štučnaha intelektu, to nastupstvy nam usim zrazumiełyja — toj stanie vaładarom śvietu», — skazaŭ jon.
Pucin adznačyŭ, što baraćba za technałahičnaje lidarstva, u tym liku ŭ śfiery štučnaha intelektu, užo stała polem dla hłabalnaj kankurencyi. «Chutkaść stvareńnia novych praduktaŭ i rašeńniaŭ raście ŭ hieamietryčnaj prahresii pa ekspaniencie», — adznačyŭ jon.
Pucin nahadaŭ, što mnohija krainy ŭžo pryniali svaje stratehii štučnaha intelektu. «I my, viadoma, pavinny zabiaśpiečyć technałahičny suvierenitet u śfiery štučnaha intelektu», — skazaŭ jon i dadaŭ, što heta najvažniejšaja ŭmova zamožnaści rasijskaha biznesu, ekanomiki, biaśpieki, abaronazdolnaści i jakaści žyćcia ludziej.