Suśvietnaja arhanizacyja achovy zdaroŭja zaćvierdziła novaje vydańnie Mižnarodnaj kłasifikacyi chvarob. U im transhiendarnaść razhladajecca nie jak psichičnaje rasstrojstva, a jak pytańnie, źviazanaje z «seksualnym zdaroŭjem», paviedamlaje BBC.
Apošniaje vydańnie Mižnarodnaj kłasifikacyi chvarob (MKCH-11), pieršapačatkova apublikavanaje hod tamu, vyznačaje transhiendarnaść jak niesupadzieńnie hiendarnaj prynaležnaści čałavieka z połam, vyznačanym pry naradžeńni.
U papiaredniaj viersii (MKCH-10) transhiendarnaść ličyłasia rasstrojstvam identyčnaści i razhladałasia ŭ ramkach «psichičnych i pavodzinskich rasstrojstvaŭ».
«U nas źjaviłasia lepšaje razumieńnie taho, što heta nie pytańnie psichičnaha zdaroŭja. Pakul transhiendarnaść zastavałasia ŭ raździele psichičnych rasstrojstvaŭ, heta padtrymlivała styhmatyzacyju ŭ hramadstvie», — zajaviła ekśpiert SAAZ pa repraduktyŭnym zdaroŭi Łejł Sej.
