Minski aŭtamabilny zavod aficyjna zapuściŭ prodaž hruzavych furhonaŭ MAZ-365022 i mikraaŭtobusaŭ MAZ-281040, zboračnaja vytvorčaść jakich razharnułasia ŭ Breście. Košt mikraaŭtobusa ŭ standartnaj kamplektacyi składaje 62 196 rubloŭ (prykładna $30 tys.). U paraŭnańni z madelami jeŭrapiejskich vytvorcaŭ vychodzić tańniej.
U Breście vypuskajuć dźvie madeli aŭtamabilaŭ. Mikraaŭtobusy MAZ-281040 i furhony MAZ-365022 asnaščany turbadyzielnymi matorami mahutnaściu 150 «koniej», jakija pracujuć u pary z «miechanikaj». Abiedźvie mašyny adpaviadajuć kłasu Jeŭra-5 i mohuć vykarystoŭvacca ŭ krainach SND, JEAES i va Ukrainie.
Mikraaŭtobus vyłučajuć dosyć značnyja habaryty i ŭmiaščalnaść. Daŭžynia — 6 mietraŭ, šyrynia — 2,1, vyšynia — 2,65 m, a kołavaja baza — 3,57 m. Sałon možna vybrać samastojna — ad hruzavoha da pasažyrskaha z 16 siadzieńniami, nie ličačy miesca kiroŭcy. Dla pasažyraŭ ŭstalavanyja ssoŭnyja dźviery. U bazavy kamplekt uvachodziać kamfartabielnyja siadzieńni z rehulavańniem nachiłu śpinki, kandycyjanier, kruiz-kantrol i mahnitoła. Praduhledžany taksama zadni parktronik i elektronnaja sistema raźmierkavańnia tarmaznych vysiłkaŭ.
Na mikraaŭtobusy i furhony MAZ dziejničaje harantyja na 36 miesiacaŭ ci 100 000 km prabiehu, u zaležnaści ad taho, jakaja ŭmova nastupić raniej.
