Jak paviedamlaje pres-słužba BDU, hety pakazčyk adpaviadaje minułahodniamu. Usiaho ŭ hetym hodzie ŭ licej było padadziena 1520 zajaŭ ad achvotnych tut navučacca. Najbolšaja kolkaść dakumientaŭ pryniataja ŭ bijałahičny kłas — 330. Konkurs na bijałahičny profil skłaŭ 9,4 čałavieka na miesca.
Na pastupleńnie ŭ matematyčnyja kłasy pretendavali 277 abituryjentaŭ (konkurs — 7,9 čałavieka na miesca), u fizičnyja — 237 (konkurs — 6,1), infarmatyka-matematyčny — 167, chimičny — 119, historyka-hramadaznaŭčy — 97 i fiłałahičny — 78.
U hetym hodzie ŭ Licei BDU ŭpieršyniu pravodziŭsia nabor pa dvuch novych profilach navučańnia ŭ humanitarnych kłasach. Pieršy aryjentavany na vyvučeńnie hramadaznaŭstva i anhlijskaj movy, druhi — na historyju Biełarusi i anhlijskuju movu. U hetyja kłasy padadziena 159 i 59 zajaŭ adpaviedna.
Z ahulnaj kolkaści abituryjentaŭ 40 čałaviek byli zaličany biez ekzamienaŭ: jany źjalajucca pieramožcami zaklučnaha etapu respublikanskaj alimpijady (dypłomy I, II abo III stupieni) pa fizicy, matematycy, infarmatycy, chimii, bijałohii, historyi, hramadaznaŭstvie, ruskaj movie i litaratury, biełaruskaj movie i litaratury, anhlijskaj movie.
Zaličeńnie ŭ 10-ja licejskija kłasy adbyvajecca pa vynikach dvuch piśmovych ustupnych vyprabavańniaŭ. Pry pastuplenni na bijałahičny profil u hetym hodzie nieabchodna było nabrać 126 bałaŭ, fiłałahičny — 125, historyka-hramadaznaŭčy — 124, matematyčny — 104, chimičny — 96, fizičny — 90, infarmatyka-matematyčny — 80.
Usiaho ŭ hetym hodzie ŭ Licej BDU ŭ 10 kłasy buduć pryniatyja 264 navučency, ź ich sfarmirujuć 12 kłasaŭ pa 22 čałavieki. Siarod budučych liceistaŭ — žycharoŭ stalicy 73% ad ahulnaj kolkaści i 27% pradstaŭnikoŭ z usich rehijonaŭ.
Miž inšym, u 2020/2021 navučalnym hodzie ŭ Licei BDU adkryjecca jašče adzin novy profil navučańnia — matematyka z vyvučeńniem anhlijskaj movy na pavyšanym uzroŭni. Padrychtavacca da pastupleńnia možna budzie na kursach «Viačerni Licej».
