30 maja vykanany pieršy rehularny rejs pa maršrucie Minsk — Talin, paviedamiła śpiecyjalist pa suviaziach z hramadskaściu AAT «Biełavija» Nastaśsia Navumienka.
Paloty pa maršrucie Minsk — Talin — Minsk buduć adbyvacca na rehularnaj asnovie čatyry razy na tydzień z vyletam z našaj stalicy ŭ 8.50 pa paniadziełkach, čaćviarhach i ŭ 15.50 pa aŭtorkach i subotach z prybyćciom u mižnarodny aeraport Talina imia Lenarta Miery.
Zvarotny rejs budzie z vyletam u 10.45 pa paniadziełkach, čaćviarhach i ŭ 17.45 pa aŭtorkach i subotach z prylotam u Nacyjanalny aeraport «Minsk» (čas dla ŭsich aeraportaŭ ukazany miascovy).
Košt avijabiletaŭ u adzin bok składaje ad 93 jeŭra, uklučajučy taksy i zbory, i ad 178 jeŭra — tudy-nazad.
Paloty płanujecca rabić na Embraer 175 pasažyraŭmiaščalnaściu 76 miescaŭ. Pieralot zojmie adnu hadzinu 15 chvilin.