Lvoŭskaja abłasnaja rada nahadała prezidentu Ukrainy Uładzimiru Zialenskamu pra jaho abaviazak vykarystoŭvać ukrainskuju movu padčas publičnych vystupaŭ. Adpaviedny zvarot ab niedapuščeńni ihnaravańnia statusu dziaržaŭnaj movy byŭ pryniaty na pasiadžeńni ŭ aŭtorak, 28 maja.
U dakumiencie adznačajecca, što pałažeńni Kanstytucyi Ukrainy abaviazvajuć užyvać dziaržaŭnuju ŭkrainskuju movu jak movu aficyjnych znosin — padčas publičnych vystupaŭ, u kamientarach i intervju.
«My, deputaty Lvoŭskaj abłasnoj rady, ličym, što prezident dziaržavy, jakaja vajuje, abaviazany całkam vyklučyć ruskuju movu z ułasnaha ŭžyvańnia ŭ publičnych śfierach hramadskaha žyćcia, jak aficyjnuju movu Rasii — dziaržavy-ahresara», — havorycca ŭ zvarocie.
«Uličvajučy vidavočnaje parušeńnie ŭstanoŭlenych zakanadaŭčych normaŭ, prosim vas, prezidenta Ukrainy, nie dapuskać hetaha ŭ dalejšym i ŭ svajoj publičnaj dziejnaści karystacca dziaržaŭnaj ukrainskaj movaj», — dadali lvoŭskija deputaty.
