Razumny paviljon RUP «Biełdruk» adkryŭsia 28 maja na vuł. Bahdanoviča kala Śviata-Duchava kafiedralnaha sabora, paviedamlaje «Minsk-Naviny».

Heta ŭžo 11-y paviljon. Jany adroźnivajucca tolki pa pamierach handlovaj płoščy, — adznačyŭ načalnik adździeła markietynhu RUP «BiełDruk» Andrej Halenčyk.

Pieršy smart-paviljon adkryli na praśpiekcie Pieramožcaŭ u kancy minułaha hoda.

Smart-paviljon — heta multyfunkcyjanalny handlovy abjekt, dzie jość mahčymaść parazmaŭlać na roznych movach z dapamohaj anłajn-pierakładčyka. A taksama zaradzić hadžet, bieźlimitna karystacca Wi-Fi. U pierśpiektyvie tam možna budzie taksama apłacić kamunalnyja pasłuhi, kupić kvitki na śpiektakli, kancerty i fiestyvali, vybrać padarunkavyja siertyfikaty zabaŭlalnych centraŭ i bujnych kram, vyklikać taksi i ekstrannyja słužby, zamović tranśfier u aeraport, haścinicu i za miežy horada.

U najbližejšy čas «razumny» paviljon źjavicca i la Biełdziaržfiłarmonii na miescy hazietnaha kijoska.

Клас
Панылы сорам
Ха-ха
Ого
Сумна
Абуральна