U japonskim horadzie Kavasaki ŭzbrojeny nažami mužčyna napaŭ na hrupu školnikaŭ, jakija čakali aŭtobus, piša Bi-bi-si.

U chodzie napadu, jak paviedamlajecca, dva čałavieki zahinuli, 16 čałaviek atrymali ranieńni. Palicyja paviedamiła pra hibiel na adnu dziaŭčynku. Paviedamlajecca, što taksama zahinuŭ baćka adnoj z školnic. Stan niekatorych vučanic krytyčny.

Padazravany, pa paviedamleńniach, nanios sabie ŭdar nažom u horła i zatym pamior, užo znachodziačysia pad aryštam.

Matyŭ napadu nieviadomy..

«Ja ŭbačyła mužčynu la aŭtobusnaha prypynku, jaki ściakaŭ kryvioj, — raspaviała vidavočca u intervju En-Ejč-kiej. - Ja bačyła taksama, što małodšakłaśniki lažać na ziamli. Tut cichi rajon. Vielmi strašna ŭbačyć padobnaje».

Uzrovień złačynnaści ŭ Japonii - adzin z samych nizkich u śviecie, ale za apošni čas vyrasła kolkaść napadaŭ z užyvańniem chałodnaj zbroi.

Клас
Панылы сорам
Ха-ха
Ого
Сумна
Абуральна