Novyja kupiury 100 i 200 jeŭra ŭvodziacca ŭ abaračeńnie ŭ aŭtorak, paviedamlaje Deutsche Welle.

Abnoŭlenyja banknoty zachavali raniejšuju kalarovuju hamu, ale trochi źmianiŭsia ich dyzajn.

Zaraz ich šyrynia takaja ž, jak u kupiury ŭ 50 jeŭra. Adznačajecca, što dziakujučy hetamu novyja kupiury buduć lahčej źmiaščacca ŭ kašalkach hramadzian, a bankamaty buduć chutčej ich apracoŭvać.

Abnoŭlenyja kupiury ŭ 100 i 200 jeŭra zabiaśpiečanyja dadatkovymi elemientami abarony. Na ich naniesienyja niabačnyja voku achoŭnyja znaki, jakija moža bačyć tolki mašyna. Akramia taho, jany ŭtrymlivajuć novy elemient — hałahramu, jakaja źmianiajecca pry pavaročvańni kupiury. Hetyja banknoty zaviaršajuć abnaŭleńnie druhoj sieryi jeŭrapiejskaj valuty, novyja kupiury ŭ 5, 10, 20 i 50 jeŭra ŭžo vyjšli ŭ abaračeńnie.

Staryja banknoty buduć taksama vykarystoŭvacca da ich naturalnaha vyvadu z abaračeńnia.

Abnoŭlenaja kupiura ŭ 500 jeŭra vypuskacca nie budzie, u kancy 2018 hoda staruju viersiju pierastali vypuskać u abaračeńnie. Heta zroblena, kab abciažaryć finansavańnie teraryzmu i nielehalnaj pracoŭnaj dziejnaści.

Клас
Панылы сорам
Ха-ха
Ого
Сумна
Абуральна