Prezident Sierbii vystupiŭ na śpiecyjalnaj siesii parłamienta, pryśviečanaj prablemie ŭzajemaadnosinaŭ z Kosava. Padčas vystupleńnia jon zaklikaŭ deputataŭ da vybaru pamiž «sałodkaj chłuśnioj i horkaj praŭdaj». «Biez hetaha my nie daviedajemsia realnaje stanovišča spraŭ u Kosava, u Mietochii, chto imi kiruje i jakoje stanovišča sierbaŭ u Kosava i Mietochii», — skazaŭ Vučyč. Nieabchodna taksama pryznać, padkreśliŭ jon, što Sierbija paciarpieła bujnuju nacyjanalnuju parazu, straciła terytoryju i paniesła značnyja ekanamičnyja straty.

«Ja vyrašyŭ nie praciahvać chłuśniu i samapadman, ja skazaŭ usim, što niama ŭłady Sierbii, niama našaha ŭrada ŭ Kosava i Mietochii, što vielmi važna dla achovy zdaroŭja i adukacyi, i my pavinny spynić padmanvać našu ŭłasnuju hramadskaść», — skazaŭ Vučyč.

Pa słovach sierbskaha lidera, isnuje dva scenary rašeńnia kosaŭskaj prablemy. Pieršy — heta zachavańnie status-kvo i «zamarožany kanflikt». Druhi — narmalizacyja adnosin pamiž Białhradam i Pryšcinaj. Vučyč padkreśliŭ, što sam vystupaje za druhi šlach.

Клас
Панылы сорам
Ха-ха
Ого
Сумна
Абуральна