Były mieniedžar aŭtara komiksaŭ Marvel Kija Morhan aryštavany ŭ Aryzonie pa abvinavačvańni ŭ žorstkim abychodžańni z pažyłym čałaviekam, paviedamlaje Associated Press.
Byłoha mieniedžara taksama abvinavačvajuć u kradziažy, rastracie i padrobcy. Pa viersii palicyi, Kija Morhan vykraŭ 262 tysiačy dalaraŭ, zaroblenych Stenam Li ŭ mai 2018 hoda na aŭtohraf-siesii. Taksama jon pieravioz stvaralnika piersanažaŭ Marvel ź jaho doma na Halivudskich pahorkach u Beverli-Chiłz, kab bolš upłyvać na jaho.
U 2018 hodzie dačka Li zajaviła, što Morhan manipulavaŭ jaje baćkam, zabaraniajučy jamu bačycca ź siamjoj i siabrami. Pavodle jaje słoŭ, mieniedžar sprabavaŭ uziać pad kantrol hrošy svajho pracadaŭcy. Advakat Morhana zajaviŭ, što toj nikoli nie vykarystoŭvaŭ Li ŭ svaich intaresach.
U chutkim časie Morhana pieraviazuć u Łos-Andželes, dzie jon paŭstanie pierad sudom.
