Supracoŭniki Pskoŭskaj mytni va ŭzajemadziejańni z supracoŭnikami FSB Rasii i Raśsielhasnahladu zatrymali dzieviać fur, paviedamlaje Paŭnočna-zachodniaje mytnaje ŭpraŭleńnie RF.
U furach pieramiaščalisia polskija jabłyki i «jabłyki, krainu pachodžańnia jakich vyznačyć nie ŭjaŭlajecca mahčymym». Adznačajecca, što ŭsie transpartnyja srodki išli z terytoryi Biełarusi biez tavarasupravadžalnych dakumientaŭ.
103,5 tony jabłykaŭ, niezakonna ŭviezienych na terytoryju RF, kanfiskavanyja i źniščanyja. Fakt źniščeńnia paćvierdžany videamateryjałami.
Mierkavany košt źniščanaha tavaru — 5 miljonaŭ 175 tysiač rasijskich rubloŭ (kala 90 tysiač dalaraŭ).
0
0
0
0
0
0