U Bresckim rajonie pravaachoŭniki evakuiravali adpačyvalnikaŭ i piersanał ahrasiadziby z-za zabytaha abstalavańnia dla hulni ŭ łaziertah, paviedamlaje abłasnaja milicyja.
Incydent adbyŭsia 23 maja pablizu vioski Ciuchiničy. Padčas kaśby travy rabotnik turystyčnaha kompleksu natknuŭsia na dźvie nievialikija płastykavyja skrynki čornaha koleru. Unutry znachodzilisia akumulatarnyja batarei i mikraschiemy. Mužčyna paviedamiŭ pra znachodku dyrektaru siadziby, jaki źviarnuŭsia pa dapamohu ŭ Brescki RAUS.
Pravaachoŭniki evakuiravali 50 čałaviek. Pry abśledavańni karobak vybuchovaniebiaśpiečnych pradmietaŭ nie vyjavili. Heta akazałasia častkaj abstalavańnia dla hulni ŭ łaziertah, jakoje raniej zabyŭsia na terytoryi ahrasiadziby indyvidualny pradprymalnik z Bresta.
