Jak stała viadoma «Našaj Nivie», biełaruskija musulmanie źviarnulisia da ŭładaŭ z prośbaj dazvolić adnavić źniščanuju miačeć u Lachavičach. 

Adpaviedny zvarot nakiravany da ŭpaŭnavažanaha pa spravach relihii Leanida Hulaki. 

Infarmacyju nam paćvierdziŭ muftyj Duchoŭnaha ŭpraŭleńnia musulman Biełarusi Ali Varanovič. 

«Sapraŭdy, u Lachavičach niekali była miačeć, za savietami jaje razabrali — prosta na doški. Tamu my navat nie pretendujem na toje, kab pabudavać niešta novaje, my chočam adnavić staroje, tolki što z novych materyjałaŭ. Darečy, navat toje miesca, dzie stajała miačeć, jano ciapier zaniataje — pryvatnaja ŭłasnaść. Tamu my prosim dazvołu adnavić jaje ŭ kancy vulicy. Supołka musulman u Lachavičach niedzie 40 čałaviek, ale pobač i Baranavičy — tam z paru socień. Tamu, kali budzie dazvoł, tudy budzie kamu chadzić, hrošy na pabudovu my źbiarom. Darečy, taja vulica, na jakoj my chočam adnavić miačeć, raniej i nazyvałasia — Tatarskaja», — skazaŭ Ali Varanovič. 

Tak vyhladała zhadanaja miačeć, fota z sajta www.radzima.org

Tak vyhladała zhadanaja miačeć, fota z sajta www.radzima.org

Pavodle słovaŭ muftyja, ułady zaciahvajuć z vydačaj dazvołu na budaŭnictva — prajšło ŭžo niekalki miesiacaŭ z času pieršaj padačy. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?