Delfi.lt

Delfi.lt

U niadzielu ŭ Litvie projdzie druhi tur prezidenckich vybaraŭ. U pieršym tury kansiervatar Inhryda Šymanicie vyjhrała ŭ ekanamista Hitanasa Naŭsiedy ź pieravahaj 0,18%.

Ciapierašnija tendencyi bolš spryjalnyja dla Naŭsiedy. Kiraŭnik ahienctva Baltijos tyrimai sacyjołah Rasa Ališaŭskienie źviarnuła ŭvahu na toje, što jon lidziravaŭ na bolšaj častcy vybarčych učastkaŭ, u Šymanicie byŭ vialiki rezierv u vybarščykaŭ za miažoj.

«Ale ciapier refierendumu nie budzie, tamu ŭ emihrantaŭ mienš matyvaŭ iści na vybary. Tamu kolkaść tych, chto hałasuje za miažoj pavinna źnizicca», — skazała Ališaŭskienie.

Sacyjołah źviarnuła ŭvahu na toje, što praviedzienyja pierad pieršym turam apytańni pakazvajuć, što ludzi, jakija hałasavali za inšych kandydataŭ, čaściej zhadvali, što kali ich kandydat nie vyjdzie ŭ druhi tur, buduć hałasavać za Naŭsiedu.

«Usio vielmi zaležyć ad aktyŭnaści. Vybarščyki Šymanicie lepš mabilizavanyja. Naŭsieda — heta taki dobry vybar, ale nie nastolki, kab «kryžam za jaho kłaścisia». Vybarščyki Šymanicie dumajuć tak: «Kali spatrebicca, padymu ŭsiu svaju viosku», — skazała Ališaŭskienie.

Sacyjołah zaŭvažyła, što ŭ apošni tydzień, kali kampanija stała ahresiŭniejšaj, Šymon stali bolš atajasamlivać z partyjaj. «Heta trochi mabilizuje ludziej, jakim heta partyja nie padabajecca. Heta moža aktyvizavać vybarščykaŭ Naŭsiedy, jakija palenavalisia b iści na druhi tur — pakolki «abodva kandydaty dobryja, i ničoha drennaha ŭ Litvie nie zdarycca». «Kali pačałasia palaryzacyja — Sajuz ajčyny ci nie Sajuz ajčyny, moža pryjści bolš prychilnikaŭ Naŭsiedy», — skazała Ališaŭskienie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?