U lutym u vioscy Krasnaja Horka zhareła chata, jakaja budavałasia. U haspadara dačy ŭźnikli padazreńni ŭ datyčnaści da hetaha zdareńnia susieda, 44-hadovaha minčuka. U mužčyn byli niepryjaznyja adnosiny, paviedamlaje milicyja.
Vyśvietliłasia, što padazravany ŭ padpale zajmajecca niezakonnym vyrabam i zachoŭvańniem ahniastrelnaj zbroi i bojeprypasaŭ. Padazravanaha zatrymali. A padčas praviadzieńnia pieratrusaŭ (ich było 12) u jaho ŭ Minsku znajšli i kanfiskavali 8 adzinak hładkastvolnaj i naraznoj zbroi (siarod ich pistalet, dźvie vintoŭki z aptyčnymi prycełami, abrez karabina), a taksama bolš za tysiaču patronaŭ (ad drobnakalibiernych da bajavych bojeprypasaŭ kalibraŭ 5.45 i 7.62). Akramia hetaha, u jaho domie ŭ Krasnaj Horcy byli znojdzienyja jašče dva naraznyja karabiny z optykaj i hładkastvolnaja strelba.
Jak patłumačyŭ sam zatrymany, zbroju jon źbiraŭ doŭhi čas dla asabistaj kalekcyi. Pry hetym mužčyna adznačyŭ, što čas ad času vykarystaŭ jaje dla niezakonnaha palavańnia.
Za niezakonnyja dziejańni ŭ dačynieńni da ahniastrelnaj zbroi (č. 2 art. 295 Kryminalnaha kodeksa) mužčynu moža pahražać da 7 hadoŭ pazbaŭleńnia voli. Za padpał susiedskaj chaty jon maje ŭsie šancy trapić za kraty na termin da 12 hadoŭ.
