Pa daručeńni Łukašenki kiraŭnica jahonaj administracyi Natalla Kačanava siońnia ŭ Mahilovie sustrełasia z pradstaŭnikami miascovaj cyhanskaj dyjaspary, paviedamlaje BiełTA.
Nahodaj dla razmovy stali skarhi na pravierki pa fakcie hibieli inśpiektara DPS Jaŭhiena Patapoviča. Łukašenka nakiravaŭ Kačanavu dla hruntoŭnaj hutarki.
Natalla Kačanava paprasiła prabačeńnia ŭ miascovaj dyjaspary, kali sapraŭdy padčas rasśledavańnia abstavinaŭ spravy byli fakty niekarektnych dziejańniaŭ.
Taksama Kačanava akcentavała ŭvahu, što pa ŭsich skarhach i zvarotach buduć praviedzieny razbory, i asabliva adznačyła, što mižetničny mir i zhoda ŭ našaj krainie źjaŭlajucca biezumoŭnym pryjarytetam.
Pajechać na razmovu ŭ abłspažyŭsajuz (tam u aktavaj zali była pryznačanaja sustreča) zmahli kala 30 cyhanoŭ — ich delehavała dyjaspara, paviedamiŭ Tut.by. Sustrecca ź ludźmi, miarkujučy pa tabličkach u prezidyumie na scenie aktavaj zali, pavinny byli kiraŭnica administracyi prezidenta Natalla Kačanava, pres-sakratarka prezidenta Natalla Ejsmant, pamočnik prezidenta pa rehijonie Michaił Rusy, hubiernatar Mahiloŭščyny Leanid Zajac, mer Mahilova Uładzimir Cumaraŭ, ministr unutranych spraŭ Ihar Šunievič i kiraŭnik UUS Mahiloŭskaj vobłaści Ihar Ščarbačenia.
Adnak potym šyldy z proźviščami Šunieviča i Ejsmant prybrali.
Na sustrečy z cyhanskaj dyjasparaj pradstaŭnikoŭ MUS nie było.
Čytajcie taksama: Šunievič: U mianie niama ni nahody, ni padstavaŭ vybačacca pierad cyhanami
«Usich mužčyn zakryli, pasiołak staić pusty!» — paśla zabojstva daišnika ŭ Mahilovie milicyja masava zatrymlivała cyhanoŭ REPARTAŽ
Cyhanski baron Mahilova: Pad vartaj ciapier kala sotni čałaviek
U Mahilovie pačali vyzvalać miascovych cyhanoŭ, zatrymanych u dzień zabojstva supracoŭnika DAI
«Cyhanskaha śledu zusim mahło nie być». Były śledčy Vołčak — pra rasśledavańnie zabojstva inśpiektara DAI
Asnoŭnaja viersija SK: 22-hadovy daišnik Jaŭhien Patapovič ździejśniŭ suicyd
