Śledčym upraŭleńniem USK pa Homielskaj vobłaści zavieršana rasśledavańnie rezanansnaj kryminalnaj spravy ŭ dačynieńni da troch žycharoŭ ahraharadka Juravičy Kalinkavickaha rajona, jakija abvinavačvajucca ŭ ździajśnieńni šerahu złačynstvaŭ. Starejšamu na momant złačynstvaŭ było 25 hod, astanim dvum udzielnikam — 20 i 17 hod.
U noč z 3 na 4 listapada 2018 hoda ŭ ahraharadku Juravičy abvinavačanyja na dobrym padpitku zajšli ŭ dom da siamiejnaj pary. Złamyśniki nanieśli mužu i žoncy množnyja ŭdary pa roznych častkach cieła. Paśla hetaha jany źbili susieda paciarpiełych, jaki apynuŭsia pobač ź miescam złačynstva. Ad atrymanych cialesnych paškodžańniaŭ mužčyna pamior u balnicy. Na ščaście, muž i žonka vyžyli.
U chodzie śledstva akazałasia, što jość i inšyja epizody supraćpraŭnaj dziejnaści abvinavačvanych.
Stała viadoma, što ŭ sakaviku minułaha hoda dvoje ź ich na vulicy ahraharadka źbili miascovaha žychara taparyščam. U kastryčniku dvoje złamyśnikaŭ, užo ŭ inšym składzie, «zaprasili ŭ hości» inšaha adnaviaskoŭca, źbili rukami i nahami i zamknuli dla zastrašvańnia ŭ padpolli. U tym ža miesiacy samy starejšy z abvinavačanych zhvałciŭ adnaviaskoŭku.
Na padstavie ŭsich sabranych pa spravie dokazaŭ dziejańni 25-hadovaha abvinavačanaha kvalifikavany śledstvam jak:
- zamach na zabojstva dźviuch i bolš asob, učynienaje z asablivaj žorstkaściu, hrupaj asob;
- zabojstva, ździejśnienaje z asablivaj žorstkaściu, z chulihanskich pamknieńniaŭ, hrupaj asob, asobaj, jakaja raniej učyniła zabojstva;
- uciahvańnie niepaŭnaletniaha va ŭčynieńnie asabliva ciažkich złačynstvaŭ;
- asabliva złosnaje chulihanstva;
- zhvałtavańnie;
- hvałtoŭnyja dziejańni seksualnaha charaktaru;
- niezakonnyja nabyćcio, našeńnie sastaŭnych častak ahniastrelnaj zbroi;
- niezakonnyja nabyćcio, zachoŭvańnie vybuchovych rečyvaŭ.
Dziejańni 20-hadovaha abvinavačanaha kvalifikavanyja jak:
- zamach na zabojstva dźviuch i bolš asob, učynienaje z asablivaj žorstkaściu, hrupaj asob;
- zabojstva, ździejśnienaje z asablivaj žorstkaściu, z chulihanskich pamknieńniaŭ, hrupaj asob, asobaj, jakaja raniej učyniła zabojstva;
- uciahvańnie niepaŭnaletniaha va ŭčynieńnie asabliva ciažkich złačynstvaŭ;
- asabliva złosnaje chulihanstva.
Dziejańni 17-hadovaha abvinavačanaha kvalifikavanyja jak:
- zamach na zabojstva dźviuch i bolš asob, učynienaje z asablivaj žorstkaściu, hrupaj asob;
- zabojstva, ździejśnienaje z asablivaj žorstkaściu, z chulihanskich pamknieńniaŭ, hrupaj asob, asobaj, jakaja raniej učyniła zabojstva;
- asabliva złosnaje chulihanstva.
