Fota sa staronki Vakarčuka ŭ fejsbuku
Muzykant i lidar partyi «Hołas» Śviatasłaŭ Vakarčuk vystupiŭ suprać idei ab praviadzieńni refierendumu pa pytańni pieramoŭnaha pracesu z Rasijaj. Pra heta jon napisaŭ u svaim fejsbuku.
«Vynosić pytańnie nacyjanalnaj biaśpieki na refierendum u časy, kali praciŭnik viadzie suprać nas nie tolki haračuju vajnu, ale i infarmacyjnuju, — niebiaśpiečna i biezadkazna. My viedajem, jak zakančvalisia «refierendumy» na Danbasie i ŭ Krymie. Škada, što novy kiraŭnik administracyi prezidenta hetaha nie razumieje», — adznačyŭ jon.
Vakarčuk ličyć padobnuju inicyjatyvu praciaham staroj palityki.
Raniej ideju z refierendumam raskrytykavaŭ vice-premjer Ukrainy Viačasłaŭ Kirylenka. «Zrazumieła, što ŭsie prahałasujuć «za mir», nie ŭdajučysia asabliva ŭ detali. Što i źjaŭlajecca sapraŭdnaj metaj Kramla. Astatniaje dla ich — sprava techniki», — zajaviŭ palityk.
