Ministr unutranych spraŭ Ihar Šunievič prakamientavaŭ hibiel supracoŭnika DAI ŭ Mahilovie, piša Tut.by
— Heta adzinaja pryjarytetnaja viersija, pa majoj acency, — skazaŭ Ihar Šunievič, adkazvajučy na pytańnie ab tym, ci razhladajucca inšyja viersii, akramia suicydu.
Ministr rastłumačyŭ, što «spačatku była adna viersija, my jaje abvierhli, vyśvietlili iścinu».
— Kali daviedalisia, što adzinaja viersija — samahubstva? Usio ž taki było arhanizavana dziaržaŭnaje pachavańnie.
— Tak, i adpiavańnie ŭ tym liku było pa ŭsich chryścijanskich kanonach i praviłach, i ja miarkuju, što heta absalutna abhruntavana i pravilna. Praces raskryćcia złačynstva — reč šmathrannaja, i zaŭsiody i śledčy, i apieratyŭnik kompleksna aceńvajuć zdabytyja dokazy. My pakrokava ruchalisia da iściny, faktyčna niekalki sutak z taho momantu, jak daviedalisia ab dadzienym zdareńni. I pierakananaść u tym, što viersija samahubstva zastałasia adzinaj, skłałasia nie tolki ŭ mianie, a i va ŭsioj hrupy, jakaja zajmałasia raskryćciom złačynstva paśla taho, jak my atrymali vyčarpalnyja dadzienyja, jakija paćviardžajuć hetuju viersiju. Pa časie, kali heta zdaryłasia, ja vam dakładna skazać nie mahu, heta, chutčej za ŭsio, unačy było. My šmat u čym abapiralisia na zaklučeńni ekśpiertaŭ, a heta taksama nie imhnienny praces, a adkaznaja surjoznaja praca. Tolki ŭ kompleksie acaniŭšy ŭsie dokazy, my pryjšli da takoj vysnovy.
— Heta była noč ź piatnicy na subotu?
— Praktyčna tak.
— Kazali, što ŭ krasaviku była sproba samahubstva.
— Davajcie ja nie budu kamientavać, usio budzie ahučana śledstvam, kali budzie zavieršana kryminalnaja sprava, jakaja zaviedziena, darečy, pa artykule «zabojstva supracoŭnika orhanaŭ unutranych spraŭ». Siońnia hetyja źviestki — materyjały kryminalnaj spravy.
Asnoŭnaja viersija SK: 22-hadovy daišnik Jaŭhien Patapovič ździejśniŭ suicyd
Što zastajecca niezrazumiełym u historyi z suicydam mahiloŭskaha daišnika
