Biełaruś prapanavała Rasii zabrać nazad naftu z vysokaj kolkaściu chłorarhaničnych złučeńniaŭ, jakaja na praciahu niekalkich dzion u krasaviku pastupała na jaje NPZ pa trubapravodzie «Družba». Pra heta «Iźviestijam» raspaviali ŭ kampanii «Biełnaftachim».
Pa słovach surazmoŭcaŭ vydańnia, častku syraviny ŭžo adpravili ŭ Rasiju i jana zachoŭvajecca ŭ reziervuarach «Transnafty». Adnak kala 1,2 młn t syraviny pakul što znachodzicca na terytoryi Biełarusi.
Na dumku ekśpiertaŭ, viartańnie ŭsioj nafty budzie ciažka realizavać. Śpiecyjalisty nazyvajuć try varyjanty vyrašeńnia prablemy: ačystka syraviny (takaja mietodyka jašče raspracoŭvajecca), dadavańnie «brudnaj» nafty ŭ čystuju biez straty jakaści abo prodaž jaje z dyskontam inšym krainam.
Pa słovach ekśpierta Fondu nacyjanalnaj enierhietyčnaj biaśpieki Ihara Juškova, ad biełaruskaha boku raniej pastupała prapanova vykupić «brudnuju» naftu pa $15 za baral, ale ŭ Rasii paličyli heta zanadta vialikaj źnižkaj.
