Premjerny pakaz «Terminatara-2» pa-biełarusku adbudziecca 23 maja ŭ velcom cinema (Dana Moll, vuł. Mścisłaŭca, 11).
A 24-26 maja pakazy praciahnucca ŭ kinateatrach «Biełaruś» (Ramanaŭskaja Słabada, 28) i velcom cinema. Kultavaje kino ahučana na biełaruskuju movu ŭ miežach prajekta «Biełaruskija ŭikendy» kampanijaj «Kinakonh» pry padtrymcy velcom | A1.
U kinateatrach budzie demanstravacca abnoŭlenaja viersija 2017 hoda ŭ 3D farmacie, stvoranaja admysłova da 25-hodździa filma.
Kvitki možna nabyć tut.
Stužka raskazvaje pra supraćstajańnie čałavieka i mašyny, jakoje ciahniecca dziesiacihodździ. Syn hałoŭnaj hieraini Sary Konar, Džon Konar, abrany stać lidaram ludziej u ich baraćbie z kibarhami. Hość z pastapakaliptyčnaj budučyni, terminatar novaj madeli, maje namier pieraškodzić płanam Džona i źniščyć jaho. Na dapamohu hieroju prychodzić terminatar staraha pakaleńnia. Mietaličnyja zabojcy ŭstupajuć u śmiarotny boj, i tolki ad jaho finału zaležyć los čałaviectva.
Źniaty ŭ 1991 hodzie «Terminatar-2: Sudny dzień» — heta film, jaki źmianiŭ staŭleńnie suśvietnaha kiniematohrafa da kampjutarnaj animacyi i pakazaŭ novyja mahčymaści jaje vykarystańnia ŭ kino. U 1992 hodzie stužka atrymała čatyry statuetki «Oskar» — u naminacyjach «Najlepšy huk», «Najlepšy mantaž huku», «Najlepšyja vizualnyja efiekty» i «Najlepšy hrym».
Niahledziačy na toje, što statuetka za najlepšuju mužčynskuju rolu dastałasia nie «Terminataru-2», krytyki pryznajuć: heta lepšaja rola eks-hubiernatara Kalifornii Arnolda Švarcenehiera.
