Paśla zabarony amierykanskich uładaŭ, kitajskaja kampanija zajaviła, što pracuje nad ułasnaj apieracyjnaj sistemaj, jakaja stanie kankurentam Android ad Google, paviedamlaje ahienctva Bloomberg.
Kali sistema Google bolš nie budzie dastupnaja, «tady, naturalna, źjavicca alternatyŭny varyjant — albo ad Huawei, albo ad kahości jašče», — zajaviŭ na mierapryjemstvie ŭ Brusieli ŭ aŭtorak pradstaŭnik Huawei va ŭstanovach Jeŭrapiejskaha sajuza Abracham Lu.
Lu skazaŭ, što Huawei pracavaŭ nad ułasnaj apieracyjnaj sistemaj, ale ŭ jaho niama padrabiaznaściaŭ, kali jana budzie hatovaja.
«Vidavočna, ciapier jość prablema. Ja spadziajusia, što vielmi chutka lidary z majoj spažyvieckaj biznes-hrupy zmohuć padzialicca z vami našaj novaj stratehijaj, zasnavanaj na novaj situacyi», — skazaŭ Lu.
Android praciahvaje padtrymlivać smartfony Huawei va ŭsim śviecie, adnak kitajskaja kampanija zaležyć ad samych papularnych prahram Google. Telefony Huawei za miežami Kitaja vykarystoŭvajuć viersiju Android, jakaja pastaŭlajecca z pakietam pasłuh Google, uklučajučy pošuk, Karty, YouTube i, što asabliva važna, krama Play dla zahruzki prahram.
