U Babrujsku zakančvajecca sudovy praces pa spravie ab zabojstvie 19-hadovaj Anastasii Tałyš, piša «Kommierčieskij kuŕjer». Dla abvinavačanaha — 17-hadovaha Valancina Kucharava — prakuror zaprasiŭ 11 hadoŭ i 1 miesiac pazbaŭleńnia voli.
Anastasija Tałyš zahinuła 29 maja 2018 hoda. Cieła dziaŭčyny znajšli tolki praz 8 dzion paśla jaje źniknieńnia. Praz dva dni śledstva zatrymała padazravanaha — Valancina Kucharava.
Pa viersii śledstva, pamiž adnahrupnikami ŭźnikła svarka pa asabistych matyvach. Padčas kanfliktu Kucharaŭ nanios Naści traŭmy, jakija byli niesumiaščalnyja z žyćciom. Trup dziaŭčyny chłopiec schavaŭ u raślinnaści niedaloka ad svajho doma.
Padčas śledstva Valancin Kucharaŭ pryznaŭ vinu i apisaŭ žudasnyja abstaviny złačynstva. «Paciarpiełaja lažała na ziamli, ja pakłaŭ joj na horła kałodku rydloŭki i staŭ na jaje». Adnak na sudzie jon admoviŭsia ad hetych pakazańniaŭ i ciapier vinu admaŭlaje. Pa słovach Kucharava, śledstva prymusiła jaho ahavaryć siabie z dapamohaj cisku. Chłopiec śćviardžaje, što jamu pahražali adpraŭkaj u kamieru da badziah.
Abśledavańnie na detektary chłuśni pakazała, što Valancin Kucharaŭ datyčny da złačynstva.
Čytajcie taksama: Na Mahiloŭščynie 19-hadovuju dziaŭčynu znajšli niežyvoj u hai kala vioski
