Sud Maskoŭskaha rajona Minska vynies prysud žycharu Minska za iłžyvaje miniravańnie stancyi mietro «Malinaŭka», mužčyna atrymaŭ bujny štraf.
Minčanin pryznany vinavatym u zaviedama iłžyvym paviedamleńni pra vybuch, jaki stvaraje niebiaśpieku dla žyćcia i zdaroŭja ludziej. Sud pryznačyŭ jamu štraf u pamiery 500 bazavych. Adnak, uličvajučy termin utrymańnia pad vartaj, pakarańnie fihurantu źmiakčyli da 200 bazavych (5,1 tysiačy rubloŭ). Mužčyna taksama pavinien prajści prymusovaje lačeńnie ad narkamanii.
15 sakavika na kancavoj stancyi «Malinaŭka» pjany 24-hadovy minčanin admoviŭsia pakidać vahon i pasvaryŭsia z-za hetaha ź dziažurnaj pa pryjomie i adpraŭleńni ciahnikoŭ. U chodzie kanfliktu pasažyr śćviardžaŭ, što zakłaŭ bombu ŭ mietro, a supracoŭnikam słužby biaśpieki zajaviŭ pra vybuchovaje prystasavańnie ŭ svaim zaplečniku. Pry ahladzie terytoryi mietrapalitena i asabistych rečaŭ zatrymanaha nijakich zabaronienych pradmietaŭ nie vyjavili.
