Siońnia ŭ Minsku pjany kiroŭca ŭrezaŭsia ŭ čatyry mašyny i aŭtobus, paviedamlaje DAI.
Pavodle papiaredniaj infarmacyi, niećviarozy vadziciel «Miersiedesa» paškodziŭ try aŭto na stajancy kala adnaho z damoŭ pa vulicy Burdziejnaha.
Heta adbyłosia na vačach u žančyny, jakaja znachodziłasia pobač. Jana kinułasia da mašyny, kab pasprabavać spynić kiroŭcu. Zatym kiroŭca rezka zdaŭ nazad, i žančyna ŭpała na asfalt, ledź nie pad koły mašyny.
Kiroŭca pasprabavaŭ źniknuć ź miesca zdareńnia — vyjechaŭ na vulicy Burdziejnaha na sustrečnuju pałasu, dzie sutyknuŭsia z «Sitrajenam», a paśla nakiravaŭsia ŭ bok vulicy Jakuboŭskaha. Nasuprać doma №25 na vulicy Burdziejnaha adbyłosia sutyknieńnie z aŭtobusam.
Paśla DTZ kiroŭcu aŭto ŭtrymlivali hramadzianie da pieradačy pravaachoŭnikam. Ciapier mužčyna znachodzicca ŭ špitali. Pravodzicca pravierka. U kiroŭcy raniej zabirali vadzicielskaje paśviedčańnie za kiravańnie mašynaj u niećviarozym stanie.
Videa: Onłajnier.
