Biełarusy handlujuć na placoŭcy abjaŭ «Kufar» majskimi žukami, pryčym u Navapołacku jany samyja darahija, piša «Viciebski kurjer».
Usiaho žurnalist znajšła čatyry abjavy na hetuju temu, davali ich žychary Minska i Navapołacka.
Ceny na tavar adroźnivajucca. Samych darahich žukoŭ łoviać u Navapołacku — pa 2 rubli za štuku. U abjavie aŭtar piša, što «chrušč novy, tolki što złoŭleny». Ale dadaje: «handal maje miesca».
A voś u Maskoŭskim rajonie Minska žukoŭ vam addaduć užo pa 20 kapiejek za adnaho.
Sustrakajucca i «aptovyja» prapanovy — partyja žukoŭ (10 štuk) abydziecca ŭ 5 rubloŭ.
Stan žukoŭ pakazana ŭ abjavach jak «novy». Troje z čatyroch čałaviek pradajuć ich dla rybałki, naprykład, na hałaŭla. U Zavodskim rajonie Minska ich pradajuć u katehoryi «chatnija hadavancy» — u jakaści kormu.
