Pravaachoŭnyja orhany zatrymali hienieralnaha dyrektara «Biełtelekama» Siarhieja Sivadziedava. Pra heta Tut.by paviedamili čatyry infarmavanyja krynicy.

Fota z sajta «Biełtelekama».

Fota z sajta «Biełtelekama».

«Jon byŭ zatrymany kala tydnia tamu. Pryčyna tradycyjnaja — karupcyja», — skazaŭ surazmoŭca.

U pryjomnaj kiraŭnika «Biełtelekama» paviedamili, što Siarhiej Ivanavič ź minułaha tydnia znachodzicca na balničnym.

U KDB nie paćvierdzili i nie abvierhli infarmacyju pra zatrymańnie Sivadziedava.

Mabilny Sivadziedava niedastupny. Apošni raz jon zachodziŭ u viber 19 krasavika.

Siarhiej Sivadziedaŭ naradziŭsia 31 śniežnia 1966 hoda ŭ Dokšyckim rajonie Viciebskaj vobłaści. U 1988 hodzie skončyŭ Minski radyjotechničny instytut, u 2010 hodzie — Akademiju kiravańnia pry Prezidencie Respubliki Biełaruś.

Pracoŭnuju karjeru pačaŭ u 1988 hodzie, kali byŭ pryniaty na pracu inžynieram u budaŭniča-mantažnaje ŭpraŭleńnie tresta «Biełsuviaźbud». U «Biełtelekamie» pracavaŭ z 1 śniežnia 1995 hoda. Prajšoŭ šlach ad inžyniera techničnaha ŭpraŭleńnia da namieśnika hiendyrektara pa techničnych pytańniach. Na pasadu kiraŭnika manapolii pryznačany 31 sakavika 2014 hoda. Heta adbyłosia paśla taho, jak eks-kiraŭnik BTK Siarhiej Papkoŭ staŭ ministram suviazi i infarmatyzacyi krainy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?