Siońnia ŭ Homieli sud vynies prysud eks-staršyni kamiteta ekanomiki Homielskaha abłvykankama Elviry Karnickaj, paviedamlaje Tut.by.

Fota: Alena Byčkova, Tut.by.

Fota: Alena Byčkova, Tut.by.

Abvinavačanaja paprasiła začytać prysud całkam. U vyniku jaho abviaščeńnie doŭžyłasia bolš za try hadziny.

Sud pryznaŭ Elviru Karnickuju vinavataj u naŭmysnym nasupierak intaresam słužby ŭčynieńni słužbovaj asobaj z karyślivaj i inšaj asabistaj zacikaŭlenaści dziejańniaŭ z vykarystańniem svaich słužbovych paŭnamoctvaŭ, što paciahnuła pryčynieńnie istotnaj škody dziaržaŭnym i hramadskim intaresam, i pryznačyŭ joj pakarańnie ŭ vyhladzie 5 hadoŭ pazbaŭleńnia voli z adterminoŭkaj pakarańnia na 2,5 hoda. Taksama jana pavinna budzie pakryć hramadzianski pazoŭ na sumu bolš za 78 tysiač rubloŭ.

Nahadajem, raniej prakuror prasiŭ dla Karnickaj 5 hadoŭ turmy z kanfiskacyjaj usioj majomaści.

Karnickaja svaju vinu nie pryznała. Eks-staršynia kamiteta ličyć, što ŭsie dokazy, zdabytyja śledstvam, pabudavanyja vyklučna na domysłach i zdahadkach, a abvinavačvańnie zasnavana na biespadstaŭnych śćviardžeńniach troch čałaviek, ź jakimi jaje ništo nie źviazvaje.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?