Što zdaryłasia

Hod tamu adrazu niekalki minskich aktyvistaŭ źviarnuli ŭvahu na dzivactva: kali zamaŭlać u «Je-dastaŭcy» pradukty roznych hrupaŭ — harodnina, sadavina, bytavaja chimija, małočka, — vam pryvoziać ad 5 da biaskoncaści polietylenavych pakietaŭ-majek.

Usio by ničoha, kali b nie apošnija daśledavańni ekołahaŭ. Pa-pieršaje, u biełaruskich handlovych sietkach niama pakietaŭ, jakija całkam raskładajucca. Pa-druhoje, ad mikrapłastyka, jaki zastajecca ŭ tym liku ad takich voś pakietaŭ, cierpiać i pryroda, i sam čałaviek.

Aktyvisty stali pisać pra taki pieradoz pakietaŭ, jakija ekśpiedytary «Je-dastaŭki» ŭparta nie chacieli zabirać nazad.

Ci toje praz heta, ci toje z ułasnaj inicyjatyvy ŭvosień minułaha hodu «Jeŭraopt» paviedamiŭ, što ŭsie pakiety-majki ŭ ich kramach na kasach ciapier buduć płatnymi.

Byccam by dakładna: pakietaŭ u anłajn-zamovach «Je-dastaŭki» budzie mienš

Na dniach CityDog.by daviedaŭsia ad ekśpiedytaraŭ, što ciapier jany buduć pryvozić ŭ zamovie nie bolš za 4 pakiety-majki. Maŭlaŭ, takaja kamanda pastupiła z hałaŭnoha ofisa, i navat achoŭniki «Je-dastaŭki» stali pilna sačyć za hetym.

Pa kamientary źviarnulisia ŭ pres-słužbu «Jeŭrahandlu».

— Mnohija z našych klijentaŭ vykazvali zakłapočanaść u suviazi vialikaj kolkaściu pakietaŭ u zamovach i spraviadliva bačyli ŭ hetym značnuju škodu dla ekałohii, — raspaviali CityDog.by ŭ pres-słužbie «Jeŭrahandal». — Anłajn-hipiermarkiet «Je-dastaŭka» robić usio mahčymaje, kab źnizić kolkaść płastykavych pakietaŭ u zamovach i stać bolš ekałahičnym servisam.

My całkam pierahledzieli praces kamplektoŭki tavaraŭ, a taksama raspracavali novyja praviły dla piersanału, jakija dazvalajuć vykonvać usie patrabavańni sanepidstancyi i pa miery mahčymaści pieraškadžać zabrudžvańniu navakolnaha asiarodździa.

Клас
0
Панылы сорам
0
Ха-ха
0
Ого
0
Сумна
0
Абуральна
0