U sielskaj haspadarcy Biełarusi pryjarytet va ŭsio bolšaj stupieni budzie addavacca zialonym technałohijam, vyklučna naturalnaj, arhaničnaj vytvorčaści, raspavioŭ Alaksandr Łukašenka padčas sustrečy z asabovym składam Vajennaj akademii, pieradaje BiełTA.

Fota: president.gov.by.

Fota: president.gov.by.

«My ŭsio bolš i bolš budziem pavaročvać sielskuju haspadarku da zialonych technałohij, tamu što samaja darahaja bulba — heta taja, jakaja čystaja», — pryvioŭ prykład Łukašenka.

Adkazvajučy na ​​adno z pytańniaŭ, jon taksama raspavioŭ pra svoj padvorak.

«Vy pierabolšvajecie, što ja zanadta šmat času nadaju prysiadzibnamu ŭčastku. Heta nie značyć, što ja kožny dzień na hetym učastku. Kali pačynajecca sienakos, to a 5-j ranicy, pračnuŭšysia rana, idu da 6-7 hadzin kašu travu. Ale heta ź dziacinstva. Kaśba — samaja ciažkaja praca. Napeŭna, heta asablivaść majho charaktaru. Viaskovych ludziej šmat, ale daloka nie ŭ kožnaha takaja ciaha da ziamli, da žyvioł», — skazaŭ Alaksandr Łukašenka.

Jon adznačyŭ, što małako ź jaho padvorka ad niekalkich karoŭ užo navat realizujuć na prodaž. Adzinaje, kiraŭnik dziaržavy asabliva prasiŭ, kab nie brali vysokuju canu.

Łukašenka adznačyŭ, što jaho dzialanka — heta jašče i ekśpierymientalnaja placoŭka, dzie jon asabista aceńvaje vyniki pracy navukoŭcaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0