Fota: Radyjo Svaboda.

Fota: Radyjo Svaboda.

U redakcyju haziety «Narodnaja Vola» i na jaje sajt pastupiŭ list ad staršyni Viarchoŭnaha Savieta Respubliki Biełaruś 12-ha sklikańnia Miečysłava Hryba (padpisanta pieršaj Kanstytucyi niezaležnaj Biełarusi). Pa daručeńni arhanizacyjnaha kamiteta jon źviartajecca da byłych kaleh pa parłamientu. Voś tekst:

«Šanoŭnyja kalehi!

Nabližajecca histaryčnaja data — čverć stahodździa z taho dnia, kali Viarchoŭny Saviet Biełarusi 12-ha sklikańnia paśla vialikich i nadzvyčaj napružanych debataŭ pryniaŭ pieršuju Kanstytucyju niezaležnaj Biełarusi. Z kožnym hodam my ŭsio bolš vyrazna ŭśviedamlajem, nakolki važna, kab kraina i ŭsie jaje hramadzianie šanavali svaju Kanstytucyju, žyli pavodle Asnoŭnaha zakona dziaržavy. Tolki ŭ takim vypadku my dasiahniom roskvitu Ajčyny, budziem ščaśliva siabie pačuvać u rodnaj Biełarusi.

Kab ubačycca, padzialicca ŭspaminami i ŭražańniami ab tych znamianalnych dniach, razam parazvažać nakont siońniašniaha našaha žyćcia-byćcia, my prapanujem deputatam Viarchoŭnaha Savieta Respubliki Biełaruś 12-ha sklikańnia sustrecca 9 lutaha ŭ 12 hadzin u Minskim mižnarodnym adukacyjnym centry (praśpiekt haziety «Praŭda», 11; stancyja mietro «Piatroŭščyna».

My byli b vielmi ŭdziačnymi, kali b Vy zahadzia paviedamili pra mahčymaść pryniać udzieł u našaj sustrečy pa telefonach: 8-029-641-83-73; 242-50-09 abo praz elektronnuju poštu [email protected]».

Клас
0
Панылы сорам
0
Ха-ха
0
Ого
0
Сумна
0
Абуральна
0