Uśled za ZŠA, Kanada, Brazilija, Kałumbija, Pieru, Arhiencina, Ekvador i Parahvaj pryznali kiraŭnika parłamienta Huajdo v.a. prezidenta Vieniesueły, paviedamlajuć mižnarodnyja ŚMI.

U toj ža čas Rasija i Mieksika praciahvajuć ličyć prezidentam Vieniesueły Nikałasa Madura.

35-hadovy Chuan Huajdo abviaściŭ siabie vykanaŭcam abaviazkaŭ prezidenta, kab spynić uzurpacyju ŭłady Nikałasam Madura. U svaju čarhu, Madura peŭny čas tamu abmiežavaŭ paŭnamoctvy parłamienta, zamianiŭšy jaho maryjanietkavym Ustanoŭčym schodam.

Abodva baki kanfliktu źviarnulisia da armii z zaklikam padtrymać ich.

Madura pieramoh na prezidenckich vybarach u mai 2018 hoda, atrymaŭšy 68% hałasoŭ vybarščykaŭ pry jaŭcy 46%. Nacyjanalnaja asambleja (parłamient) abvinavaciŭ palityka va ŭzurpacyi ŭłady i parušeńniach. Praz kanflikt z Nacyjanalnaj asamblejaj Madura daŭ prysiahu 10 studzienia nie pierad parłamientam, a ŭ budynku Viarchoŭnaha suda Vieniesueły.

Delehacyja biełaruskaha ŭrada naviedała Vieniesuełu i ŭziała ŭdzieł u inaŭhuracyi Madura

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?